スポンサーサイト
上記の広告は1ヶ月以上更新のないブログに表示されています。
新しい記事を書く事で広告が消せます。
【--/--/-- --:-- 】 | スポンサー広告 | page top↑
细路哥
某一年一班剛剛考完會考嘅同學約埋一齊唱K,
流行曲唱到一半嘅時候,
其中一位朋友問咗隔離嗰位一個問題:
喂,你估吓二十年後嘅今日我地會變成一個人呢?

二十年後,
可能已經變成一個西裝骨骨嘅中環人.
手帶勞力士,銀包有好多張信用卡.
放工嘅時候就一齊响酒吧度,
一邊望住個煙灰盅,
一邊就望住隔離檯嗰個女仔,
睇吓佢條裙幾時會走光.

二十年後,
大概終於會買咗個部好想擁有既汽車,
但係仲有二十幾期要供,
二十年嘞,應該轉過好多份工.
識做嘅野越嚟越多,
但係同時發覺學識越嚟越少.

响嗰個時間,間唔中可能會去吓gym.
但係做嚟做去都係減唔到個肚腩.
當然二十年嚟你間唔中都會諗起一段,
一路都未能放低嘅感情,
女朋友越嚟越多,但係愛嘅越嚟越少.

細路哥,你得到什麼,你失去什麼.
你知道,what are u looking for?

大概响嗰個時候可能會有身邊嘅親人離開,
而响個陣時你會有好多講唔出口嘅遺憾,
同時間你會發覺原來人生已經過咗一大半.

同年終於結婚嘞,
用左半生嘅積蓄俾左一層樓嘅首期,
有車位有泳池會所,
娛樂越嚟越多但係快樂越嚟越少.

兩年後,可能會離婚.
回復單身之後嘅一個晚上一個人响床上面,
揸住個搖控不停咁轉台,食咗兩粒安眠藥.
跟住點起支薄荷煙.
然後流咗一滴自親人離世之後嘅眼淚.

突然之間你又諗起,响二十年前.
你係一個人,係個一晚,
一大班同學約埋出嚟唱K唱到天光.
仲記得係個朝返到屋企嘅時候,
打開門响檯面見到有一碗屋企人留低嘅湯,
碗湯已經凍咗嘞.

細路哥,你得到什麼,你失去什麼.
你知道,what are u looking for?
スポンサーサイト
【2005/09/19 13:54 】 | 揮霍情感 | コメント(0) | トラックバック(0) | page top↑
<<最爱是你......... | ホーム | 最爱的你....>>
コメント
コメントの投稿











管理者にだけ表示を許可する

トラックバック
トラックバックURL
http://bobbi.blog16.fc2.com/tb.php/57-d6d3c7e4
| ホーム |
上記広告は1ヶ月以上更新のないブログに表示されています。新しい記事を書くことで広告を消せます。